పది రోజుల విరామం తర్వాత గోల్డ్‌ రేట్స్‌ మళ్ళీ పెరిగాయి. లోయర్‌ లెవల్స్‌లో గోల్డ్‌ను కొనుగోలు చేయడానికి ఇన్వెస్టర్లు ఆసక్తి చూపడంతో  బంగారం మళ్ళీ రూ.28,000 మార్కును క్రాస్‌ చేసింది. ఎంసీఎక్స్‌లో 10 గ్రాముల గోల్డ్‌ రూ.150 పెరిగి రూ.28,110కి చేరింది.

ఆల్‌టైమ్‌ కనిష్టానికి పడిపోయిన రూపాయి మారకం విలువ ఇవాళ కోలుకుంది. హైయర్‌ లెవల్స్‌లో డాలర్‌ సెల్లింగ్‌ ప్రెషర్‌కు గురవడంతో రూపాయి 16 పైసలు కోలుకుని 54.34 దగ్గర ట్రేడవుతోంది.

ఇరు పక్షాలు పట్టువీడకపోవడంతో వరుసగా ఏడోరోజు ఎయిర్‌ ఇండియా పైలెట్ల సమ్మె కొనసాగుతోంది. దీంతో ఢిల్లీ, ముంబాయి నుంచి నడిచే 14 అంతర్జాతీయ విమానాలతో పాటు పలు దేశీయ సర్వీసులను రద్దు చేస్తున్నట్టు ఎయిర్‌ ఇండియా ప్రకటించింది.

టోక్‌ధరల సూచీ(డబ్ల్యూపీఐ) అంచనాలను మించి పెరిగింది. ఆహార పదార్థాలు, తయారీ వస్తువుల ధరలు పెరగడంతో ఏప్రిల్‌ నెలకు గాను ద్రవ్యోల్బణం రేటు 7.23 శాతంగా నమోదైంది.

ఐటీ మేజర్‌ ఇన్ఫోసిస్‌ మేనేజ్‌మెంట్‌ వ్యయం నెలనెలా తడిపిమోపెడవుతోంది. ఇన్ఫోసిస్‌లో పనిచేసే టాప్‌ మేనేజ్‌మెంట్‌ ఉద్యోగుల జీతాలు రూ.50 కోట్లను దాటాయి.

హార్వార్డ్   బిజినెస్ స్కూల్ మన రాష్ట్రానికి 'మోస్ట్ ఇన్వెస్ట్‌మెంట్ డ్రివెన్ ఎకానమీ' అవార్డును ప్రకటించిందని భారీ పరిశ్రమల శాఖా మంత్రి గీతా రెడ్డి తెలిపారు.

పారిశ్రామిక పెట్టుబడులకు ఆంధ్రప్రదేశ్ అనువైన ప్రదేశమని ముఖ్యమంత్రి కిరణ్ కుమార్ రెడ్డి అన్నారు. ఫిక్కీ నిర్వహించిన జాతీయ సదస్సులో సీఎం ముఖ్య అతిధిగా పాల్గొన్నారు.